ବଲିଉଡ୍ର ପ୍ରିୟ କଳାକାର ଇରଫାନ୍ ଙ୍କର ଅକାଳ ବିୟୋଗ ରେ ସମସ୍ତେ ମର୍ମାହତ । ଗତକାଲି ଇରଫାନ୍ ଙ୍କ ମରଶରୀରକୁ ମୁମ୍ବାଇର ବରସୋଭା କବ୍ରିସ୍ତାନରେ ଇସଲାମ୍ ରୀତିନୀତି ଅନୁଯାୟୀ ଅନ୍ତିମ ବିଦାୟ ଦିଆଯାଇଛି।
ତେବେ ଇରଫାନ୍ ଙ୍କୁ ଶ୍ରେଷ୍ଠ ଶ୍ରଦ୍ଧାଞ୍ଜଳି ଜଣାଇଛି ଦୂରଦର୍ଶନ ତାଙ୍କ ଅଭିନିତ ଟିଭି ଧାରାବାହିକ ‘ଶ୍ରୀକାନ୍ତ’କୁ ପୁଣିଥରେ ଆରମ୍ଭ କରିବାକୁ ଯାଉଛି। ଏ ନେଇ ଡିଡି ନ୍ୟାସ୍ନ୍ୟାଲ୍ ଚ୍ୟାନେଲ୍ ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି। ଦିନ ସାଢ଼େ ତିନିଟା ବେଳେ ଏହି ଧାରାବାହିକ ଡିଡିନ୍ୟାସ୍ନ୍ୟାଲ୍ ଚ୍ୟାନେଲ୍ ରେ ପ୍ରସାରଣ ହେବ। ଏହି ଧାରାବାହିକକୁ ନିର୍ଦ୍ଦେଶନା ଦେଇଥିଲେ ପ୍ରବୀଣ ନିଚୋଲ। ଏଥିରେ ବିଶିଷ୍ଠ ଅଭିନେତା ଫାରୁଖ୍ ଶେଖ୍ ମଧ୍ୟ ଅଭିନୟ କରିଛନ୍ତି। ଧାରାବାହିକଟି ସରତ ଚନ୍ଦ୍ର ଚଟ୍ଟୋପାଧ୍ୟାୟଙ୍କ ବହି ଉପରେ ଆଧାରିତ।
ରିପୋର୍ଟ – ସଂଘମିତ୍ରା ପଣ୍ଡା