ରାଜ୍ୟରେ ପୁଣି ୧୪୩ କରୋନା ରୋଗୀ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ କ୍ବାରେଣ୍ଟାଇନ ସେଣ୍ଟରରୁ ୧୩୭ ଥିବାବେଳେ ଲୋକାଲ କେସ ୬ ଅଛି ଏ ସମ୍ପର୍କରେ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
ସେମାନଙ୍କ ମଧ୍ୟରୁ ଖୋର୍ଦ୍ଧା ୧୬, ନୟାଗଡ଼ ୧୩, ବାଲେଶ୍ଵର ୧୩ , କଟକ ୨୦, ଜଗତସିହପୁର, ଅନୁଗୁଳ, ଝାରସୁଗୁଡ଼ା, ବଲାଙ୍ଗିରରୁ ଜଣେ ଲେଖାଏଁ ଚିହ୍ନଟ ହୋଇଥିବା ବେଳେ ଢେ଼ଙ୍କାନାଳ ୩, ଭଦ୍ରକ ୪,କଳାହାଣ୍ଡି ୬, କେନ୍ଦୁଝର ୨, ଗଞ୍ଜାମ ୩୨, ସୁନ୍ଦରଗଡ଼ ୧୨, କେନ୍ଦ୍ରାପଡ଼ା ୧୦, ସମ୍ବଲପୁର ୫ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ ପାଜିଟିଭ ସଂଖ୍ୟା ୫୩୦୩, ସକ୍ରିୟ ଅଛନ୍ତି ୧୫୬୨, ସୁସ୍ଥ ହୋଇ ଫେରିଛନ୍ତି ୩୭୨୦। ସୂଚନା ଥାଉ କି NDRFର ୨ ଜଣ କର୍ମଚାରୀ କରୋନା ଆକ୍ରାନ୍ତ ସେମାନେ ପଶ୍ଚିମବଙ୍ଗରୁ ଅମ୍ଫନ ପୁନରୁଦ୍ଧାର ସାରି ଫେରିଥିଲେ।
