ଯାଜପୁର: ବାଲିପାଟଣା ହାଟ ସାର୍ବଜନୀନ ଚାନ୍ଦିନୀ ସମ୍ମୁଖରେ ଗୁରୁବାର ସହିଦ ଯବାନ ମାନଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି। ପୂର୍ବ ଲଦାଖର ଗଲୱାନ ଉପତ୍ୟକାରେ ଚୀନ ସୈନିକଙ୍କ ସହିତ ସଂଘର୍ଷରେ ଦେଶମାତୃକାର ରକ୍ଷା କରିବାକୁ ଯାଇ ଭାରତର ଜଣେ କେର୍ଣ୍ଣଲଙ୍କ ସମେତ ୨୦ ଜଣ ଯବାନ ସହିଦ ହୋଇଥିବା ବେଳେ ଏଥିରେ ଦୁଇ ବୀର ଓଡ଼ିଆ ପୁଅ ରହିଛନ୍ତି। ବୀର ମାନଙ୍କ ଅମର ଆତ୍ମାର ସଦଗତି ନିମନ୍ତେ, ସହିଦ ମାନଙ୍କୁ ଶ୍ରଦ୍ଧାସୁମନ ଅର୍ପଣ କରି ଦେଶବାସୀଙ୍କ ମନୋବଳକୁ ଦୃଢ଼ କରିବାପାଇଁ ବାଲିପାଟଣା ଗ୍ରାମର ଯୁବ ସମାଜସେବୀ ମାନଙ୍କ ପକ୍ଷରୁ ମହମବତୀ ଶୋଭାଯାତ୍ରା କରାଯାଇ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି।
ଏହି ଶୋଭାଯାତ୍ରାରେ ଚୀନର ବର୍ବୋରୋଚିତ ଆକ୍ରମଣକୁ ନିନ୍ଦା କରାଯିବା ସହ ଜନସାଧାରଣଙ୍କୁ ଚୀନ ସାମଗ୍ରୀ ବର୍ଜନ କରିବାକୁ ଅନୁରୋଧ କରାଯାଇଛି। ଏଥିରେ ଯୁବ ସଂଗଠକ ମନୋଜ କୁମାର ସାହୁ, କିଶୋର ରଣା, ଆସିକ ଖାଁ, ଅଶୋକ ବେହେରା, ସୁଭ୍ରାନ୍ତ ସାହୁ ପ୍ରମୁଖ ଉପସ୍ଥିତ ଥିଲେ |
ରିପୋର୍ଟ – ସଂଘମିତ୍ରା ପଣ୍ଡା
