କୋରାପୁଟ : ଜାତୀୟ କଂଗ୍ରେସ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କର ଜନ୍ମ ଦିବସ ଉପଲକ୍ଷେ ଜିଲ୍ଲାର ବିଭିନ୍ନ ଅଞ୍ଚଳରେ ଏକ ଭିନ୍ନ ଢଙ୍ଗ ରେ ପାଳନ ଅବସରରେ କୋରାପୁଟ କଂଗ୍ରେସ ଓ ନେତା କର୍ମୀମାନେ କୋଭିଡ ଯୋଧ୍ୟାମାନଙ୍କୁ ଶୁଖିଲା ଖାଦ୍ୟ ଏବଂ ମାସ୍କ କରିଥିଲେ | କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡ଼ିକାଲ କଲେଜ ଓ ହସ୍ପିଟାଲର ଝାଡ଼ୁଦାର ଓ ସୁରକ୍ଷାକର୍ମୀ ମାନଙ୍କୁ ଖାଦ୍ୟ ସାମଗ୍ରୀର ବଣ୍ଡନ କରିଥିଲେ । ସେହି ପରି ଲଷ୍ମୀପୁର ବ୍ଲକ ର କଂଗ୍ରେସ ଭବନ ଠାରେ ସାଂସଦ ସପ୍ତଦଗିରି ଉଲ୍ଲାକା ଏବଂ ତାଙ୍କ ଧର୍ମପତ୍ନୀ ମଧ୍ୟ ରାହୁଲ ଜି ଙ୍କ ଜନ୍ମ ଦିବସ ପାଳନ କରିଥିଲେ । ଏହି ଅବସରରେ ଗରିବ ଅସହାୟ ଲୋକଙ୍କୁ ଶୁଖିଲା ଖାଦ୍ୟ ସହ ମାସ୍କ ବଣ୍ଟନ କରାଯାଇଥିଲା , କୋରାନା ସକାଶେ ସାମାଜିକ ଦୁରତା ଅବଲମ୍ବନ କରି କାର୍ଯ୍ୟକ୍ରମ କରାଯାଇଥିଲା । କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡ଼ିକାଲ କଲେଜ ହସ୍ପିଟାଲରେ ପୂର୍ବତନ ନଗରପାଳ ଭଗବାନ ବାହିନୀପତି , ପୂର୍ବତନ ବିଧାୟକ ନିମାଇଁ ସରକାର , ବାବୁଲା ବେନିଆ ,ଜଗଦୀଶ ଖୋସଲା , କୃଷ୍ଣ କୂଳଦୀପ ,ଗୋପୀ ପଳେଇ , ଲଷ୍ମୀପୁର ରେ ପୂର୍ବତନ ବିଧାୟକ କୈଳାସ ଚନ୍ଦ୍ର କୁଲେସିକା , ପୂର୍ବତନ ଜିଲ୍ଲା କାର୍ଯ୍ୟକାରୀ ସଭାପତି ,ରମେଶ ଖରା , ସାଂସଦ ପ୍ରତିନିଧି ମଣ୍ଟି ଖରା ସମେତ ବହୁ କଂଗ୍ରେସ କର୍ମୀ ଉପସ୍ଥିତ ଥିଲେ ।
ରିପୋର୍ଟ- ସୁନ୍ଦର କୁମାର ପାଣି
