ଆରପରିରେ ସମାଜସେବୀ ଅର୍ଜୁନ କୁମାର ମାଝୀ । ଜଙ୍କିଆ ଥାନା ଅନ୍ତର୍ଗତ ବଘେଇପୁଟ ଗ୍ରାମର ସମାଜସେବୀ ଅର୍ଜୁନ କୁମାର ମାଝୀଙ୍କ ଗତ ମଙ୍ଗଳବାର ରାତି ସାଢ଼େ ୧୦ ଟାରେ ହୃଦଘାତରେ ପରଲୋକ ହୋଇଯାଇଛି । ରାତ୍ରି ଭୋଜନ ପରେ ଛାତିରେ ଯନ୍ତ୍ରଣା ଅନୁଭବ କରିଥିଲେ ସ୍ୱର୍ଗତ ମାଝୀ । ତାଙ୍କୁ ତୁରନ୍ତ ଖୋର୍ଦ୍ଧା ମୁଖ୍ୟ ଡାକ୍ତରଖାନାକୁ ନିଆଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ମୃତ୍ୟୁ ଖବର ପାଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ସ୍ୱର୍ଗତ ଅର୍ଜୁନ କୁମାର ମାଝୀ ଦୁଇଟି ସ୍ବେଛାସେବୀ ଅନୁଷ୍ଠାନର ପୃଷ୍ଠପୋଷକ ଭାବେ କାର୍ଯ୍ୟକରି ଅଞ୍ଚଳରେ ବହୁ ଉନ୍ନତିମୂଳକ କାର୍ଯ୍ୟରେ ନିଜକୁ ସାମିଲ କରିଥିଲେ । ଏଥିସହିତ ବହୁ ଅନୁଷ୍ଠାନ ଗଢିବାରେ ତାଙ୍କ ଅବଦାନ ଅତୁଳନୀୟ । ଅବହେଳିତ ତଥା ଗରିବ ଅସହାୟ ଲୋକଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବା ପାଇଁ ସେ ସର୍ବଦା ଚେଷ୍ଟା କରି ଆସୁଥିଲେ । ସେହିପରି ମହିଳାଙ୍କୁ ସ୍ୱାବଲମ୍ବୀ କରିବା ସହିତ ଜିଲ୍ଲା ଶିଳ୍ପ କେନ୍ଦ୍ର ଆନୁକୂଲ୍ୟରେ ହସ୍ତଶିଳ୍ପର ବିଭିନ୍ନ ପ୍ରଶିକ୍ଷଣ ଶିବିର ଆୟୋଜନ କରିଥିଲେ । ଗ୍ରାମରେ ଏକ ବନ ସୁରକ୍ଷା ସମିତି କରି ତାହାର ସଭାପତି ଦାୟିତ୍ବ ତୁଲାଉଥିଲେ ।
ରିପୋର୍ଟ – ପ୍ରିୟମ୍ବଦା ନାୟକ
