ଆଜି ହେବ ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଅନ୍ତିମ ସଂସ୍କାର। ମୁମ୍ବାଇ ପୋଲିସ ଏବଂ କ୍ରାଇମବ୍ରାଞ୍ଚ ତଦନ୍ତ କରୁଥିବାବେଳେ ସୁଶାନ୍ତଙ୍କ ପୋଷ୍ଟମର୍ଟମ ରିପୋର୍ଟ ଆସିଛି ସାମ୍ନାକୁ।ପୋଷ୍ଟମର୍ଟମ ରିପୋର୍ଟରେ ସୁଶାନ୍ତ ଆତ୍ମହତ୍ୟା କରିଥିବା ନେଇ ସ୍ପଷ୍ଟ ହୋଇଛି। ତେବେ ସୁଶାନ୍ତଙ୍କ ଶରୀରରେ କୌଣସି ପ୍ରକାର ବିଷ କିମ୍ବା ନିଶା ଦ୍ରବ୍ୟର ପ୍ରଭାବ ରହିଥିଲା କି ନାହିଁ ତାହା ସ୍ପଷ୍ଟ କରିବା ପାଇଁ ମୁମ୍ବାଇ ପୋଲିସ ତାଙ୍କର ଏକ ଅଙ୍ଗକୁ ଜେଜେ ହସ୍ପିଟାଲକୁ ପଠାଇଛି। ମୁମ୍ବାଇ ପୋଲିସ ଜୋନ୯ ଡିସିପି ଅଭିଷେଖ ତ୍ରିମୁଖ କହିଛନ୍ତି ଯେ ସୁଶାନ୍ତ ଙ୍କ ବାନ୍ଦ୍ରା ସ୍ଥିତ ଘରୁ କୌଣସି ସନ୍ଦେହଜନକ ସାମଗ୍ରୀ ମିଳି ନାହିଁ। ଜେଜେ ହସପିଟାଲରୁ ତାଙ୍କର ରିପୋର୍ଟ ଆସିଲେ ଜଣାପଡ଼ିବ, ପୋଲିସ ସୁଶାନ୍ତଙ୍କ ମୋବାଇଲର ପାସୱାର୍ଡ ସାଇବର ଏକ୍ସପର୍ଟଙ୍କ ଦ୍ଵାରା ଖୋଲିବା ପରେ ଅଧିକ ତଥ୍ୟ ମିଳିବ ବୋଲି ଡିସିପି ଅଭିଷେଖ କହିଛନ୍ତି। ବର୍ତ୍ତମାନ ପୋଲିସ ତାଙ୍କ ଗୃହ ସହାୟକ ଓ ପଡୋଶୀଙ୍କୁ ପଚରାଉଚରା କରୁଛି। ଅନ୍ୟପଟେ ସୁଶାନ୍ତଙ୍କ ଅନ୍ତିମସଂସ୍କାର ମୁମ୍ବାଇରେ କରାଯିବ ବୋଲି ସୂଚନା ମିଳିଛି। କାରଣ ସୁଶାନ୍ତଙ୍କ ସହ ଫିଲ୍ମ ଜଗତରେ କାମ କରୁଥିବା ତାଙ୍କ ବନ୍ଧୁମାନେ ଅନୁରୋଧ କରିଛନ୍ତି ଯେ ସୁଶାନ୍ତଙ୍କ ଅନ୍ତିମ ସଂସ୍କାର ମୁମ୍ବାଇରେ ହେଉ ବୋଲି।
