କୋରାପୁଟ : କୋରାପୁଟ ଜିଲ୍ଲା ବୈପାରିଗୁଡ଼ା ବ୍ଲକ ଅନ୍ତର୍ଗତ ଚନ୍ଦ୍ରପଡା ପଞ୍ଚାୟତର କଶିଗୁଡ଼ା ଠାରେ ସ୍ୱାମୀନାଥନ ଗବେଷଣା କେନ୍ଦ୍ର ପକ୍ଷରୁ ଜବକାର୍ଡ଼ ସମ୍ପର୍କରେ ଏକ ସଚେତନା ଶିବିର ଆୟୋଜନ କରାଯାଇଥିଲା ।ସାମାଜିକ ଦୁରତା ଏବଂ ମାସ୍କ ପିନ୍ଧି ଗ୍ରାମବାସୀ ମାନେ କାର୍ଯ୍ୟକ୍ରମ ରେ ଉପସ୍ଥିତ ଥିଲେ ।ଏହି କାର୍ଯ୍ୟକ୍ରମରେ ସ୍ୱାମୀନାଥନ ଗବେଷଣା କେନ୍ଦ୍ର ର ପ୍ରକଳ୍ପ ସଂଯୋଜକ ଶ୍ରୀଯୁକ୍ତ ଅକ୍ଷୟ କୁମାର ପଣ୍ଡାଙ୍କ ତତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ବୈପାରିଗୁଡ଼ା ବିଡ଼ିଓ ଅଭିମନ୍ୟୁ କବିସତପଥୀ ମୁଖ୍ୟ ଅତିଥି ଭାବେ ଯୋଗ ଦାନ କରିଥିଲେ ।
ଉକ୍ତ କାର୍ଯ୍ୟକ୍ରମରେ ସ୍ୱାମୀନାଥନ ଗବେଷଣା କେନ୍ଦ୍ରର ପ୍ରକଳ୍ପ ସଂଯୋଜକ ଅକ୍ଷୟ କୁମାର ପଣ୍ଡା ହିତାଧିକାରୀ ମାନଙ୍କୁ ଜଵକାର୍ଡ ବିଷୟରେ ପ୍ରାଞ୍ଜଳ ଭାବେ ବୁଝାଇଥିଲେ । ପଞ୍ଚାୟତ କାର୍ଯ୍ୟାଳୟ କୁ ଯାଇ ପ୍ରବାସୀ ଓଡ଼ିଆ ଏବଂ ଯେଉଁ ମାନଙ୍କ ଜବକାର୍ଡ ହୋଇନି ସେ ସମସ୍ତେ ଜବ କାର୍ଡ କରି ରାଜ୍ୟ ସରକାରଙ୍କ ତତ୍ପବଧାନ ରେ ଚାଲିଥିବା ମନେରେଗା ଯୋଜନା ରେ ସାମିଲ ହେବାକୁ କହିଥିଲେ ।ଏହା ବ୍ୟତୀତ ସରକାର ଙ୍କ ସମସ୍ତ ଯୋଜନା ଲୋକଲୋଚନକୁ ଅଣାଯିବ ବୋଲି ଶ୍ରୀ ପଣ୍ଡା ପ୍ରକାଶ କରିଛନ୍ତି
ରିପୋର୍ଟ – ସୁନ୍ଦର କୁମାର ପାଣି
