ଗଂଜେଇ ଚୋରା ଚାଲାଣ ହେଉଥିବା ଏକ ଟ୍ରକକୁ ବୈପାରୀଗୁଡା ପୋଲିସ ଜବତ କରି ବଡ଼ ସଫଳତା ପାଇଛି lଆଜି ବୈପାରୀଗୁଡା ଥାନାରେ ପ୍ରେସମିଟ ମାଧ୍ୟମରେ ଏ ସମ୍ପର୍କରେ ସୂଚନା ଦେଇଛନ୍ତି ଜୟପୁର ଏସଡିପିଓ ବିମଳ ବ୍ରହ୍ମା lଗତ କାଲି ସ୍ଥାନୀୟ ପୋଲିସର ରାତ୍ରୀ କାଳୀନ ଯାଞ୍ଚ ସମୟରେ ଜୟପୁର ଅଭିମୁଖେ ଯାଉଥିବା ( OR10J 8897 ) ନମ୍ବର ଟ୍ରକକୁ ଟାଙ୍ଗିଣିଗୁଡା ଠାରେ ଅଟକାଇବାରୁ ଡ୍ରାଇଭର ଗାଡିଛାଡି ଚମ୍ପଟ ମାରି ଥିଲା lପୋଲିସ ସନ୍ଦେହ ପ୍ରକାଶ କରି ଗାଡିଟିକୁ ଯାଞ୍ଚ କରିବା ବେଳେ ସେଥିରେ ୪୧ଟି ବ୍ୟାଗରେ ଗଂଜେଇ ରହିଥିବା ଜଣାପଡିଛି l ମାଜିଷ୍ଟ୍ରେଟ ତଥା ବୈପାରୀଗୁଡା ତହସିଲଦାର କୈଳାଶ ଚନ୍ଦ୍ର ତ୍ରିପାଠୀଙ୍କ ଉପସ୍ଥିତରେ ଏହାକୁ ଓଜନ କରିବାରୁ ୯୯୭କେଜି ଗଂଜେଇ ରହିଥିବା ଜଣାପଡିଛି l
ଜବତ ଗଂଜେଇର ଆନୁମାନିକ ମୂଲ୍ୟ ୧୦ଲକ୍ଷ ରୁ ଉର୍ଦ୍ଧ୍ବ ଟଙ୍କା ହେବ ବୋଲି ଜଣାପଡ଼ିଛି lସ୍ଥାନୀୟ ଥାନା ଅଧିକାରୀ ଡ଼ିଏସପି ଅଂଶୁମାନ ଦ୍ୱିବେଦୀ ଉକ୍ତ ଘଟଣାର ତଦନ୍ତ କରୁଥିବା
ରିପୋର୍ଟ-ସୁନ୍ଦର କୁମାର ପାଣି #କୋରାପୁଟ