ବଲିଉଡ୍ ର ଲୋକପ୍ରିୟ ଅଭିନେତା ଇରଫାନ୍ ଙ୍କ ଅକାଳ ବିୟୋଗରେ ସାରା ଦେଶରେ ଶୋକର ଛାୟା ଖେଳିଯାଇଛି। ଇରଫାନ୍ ଖାନ୍ ଙ୍କ ପାଇଁ ଆଜି ସାରା ଦେଶ ଶୋକ ପାଳୁଛି। କଳାକାରଙ୍କ ଠାରୁ ଆରମ୍ଭ କରି ନେତାଙ୍କ ଯାଏଁ ସମସ୍ତେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି।
ଏ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ୱିଟ କରି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି। ମୋଦି କହିଛନ୍ତି ଯେ ଇରଫାନ୍ ଙ୍କ ବିୟୋଗ ସିନେମା ଓ ରଙ୍ଗମଞ୍ଚ ଦୁନିଆ ପାଇଁ ଏକ ବଡ଼ କ୍ଷତି। ବିଭିନ୍ନ ମାଧ୍ୟମରେ ବହୁମୁଖୀ ପ୍ରତିଭା ପ୍ରଦର୍ଶନ କରିଥିବାରୁ ତାଙ୍କ ସ୍ମୃତିଚାରଣ କରାଯିବ। ଆମେ ତାଙ୍କ ପରିବାର, ବନ୍ଧୁ ଓ ପ୍ରଶଂସକଙ୍କ ସହ ଅଛୁ। ତାଙ୍କ ଆତ୍ମାକୁ ଶାନ୍ତି ମିଳୁ।
ରିପୋର୍ଟ – ସଂଘମିତ୍ରା ପଣ୍ଡା