ଦିନକୁ ଦିନ ମହାମାରୀ କରୋନା ତାର କାୟା ବିସ୍ତାର କରିବାରେ ଲାଗିଛି, ରାଜ୍ୟରେ ପୁଣି ୩ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସମସ୍ତ ଆକ୍ରାନ୍ତ ତିନୋଟି ଭିନ୍ନ ଭିନ୍ନ ଜିଲ୍ଲା ରୁ ଚିହ୍ନଟ ହୋଇଛନ୍ତି। କେଉଁଝର, ଦେଓଗଡ଼ ଏବଂ ଝାରସୁଗୁଡ଼ା ଏହି ୩ ଟି ଜିଲ୍ଲା ରୁ ୩ ଜଣ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏହି ୩ ଜଣ ଆକ୍ରାନ୍ତଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୨୨ କୁ ବୃଦ୍ଧି ହୋଇଥିବା ନେଇ ସ୍ୱାସ୍ଥ୍ୟ ବିଭାଗ ୱେବସାଇଟ ରେ ପ୍ରକାଶ ପାଇଛି।
ରାଜ୍ୟରେ ପୂର୍ବରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କୁ ଅନୁଧ୍ୟାନ କଲେ ଏହି ୩ ଟି ଜିଲ୍ଲାରୁ କୌଣସି କରୋନା ଆକ୍ରାନ୍ତ ପୂର୍ବରୁ ଚିହ୍ନଟ ହୋଇନଥିଲେ। ଏମାନେ ସମସ୍ତେ କେଉଁ ଅଞ୍ଚଳର ଏବଂ ଏମାନଙ୍କର ଯାତ୍ରା ବିବରଣୀ କଣ ସେ ସମ୍ପର୍କରେ ଏ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।
ରିପୋର୍ଟ – ସଂଘମିତ୍ରା ପଣ୍ଡା