“ବିଶ୍ୱାସ ରେ ଚାଲେ ଆମ୍ବୁଲାନ୍ସ” ତେଣୁ ସମସ୍ତେ ଏହାର ଉଚିତ୍ ବ୍ୟବହାର କରନ୍ତୁ – ସୁବ୍ରତ ବାଗଚୀ

ଲକ୍ ଡାଉନ୍ ସମୟରେ ଆମ୍ବୁଲାନ୍ସର ହେଉଛି ଅସଦ ବ୍ୟବହାର । ଯେଉଁକାମ ପାଇଁ ଆମ୍ବୁଲାନ୍ସ ଉଦିଷ୍ଟ ତାଲାବନ୍ଦ ସମୟରେ ତାହାର ଅପବ୍ୟବହାର କରୁଛନ୍ତି କିଛି ଲୋକ । ତେଣୁ ଆମ୍ବୁଲାନ୍ସର ଅସଦ୍ ବ୍ୟବହାର କରନ୍ତୁନି । ସଙ୍କଟ ସମୟରେ ସମସ୍ତେ ବିବେକର ସହ କାମ କରନ୍ତୁ । ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ ଯିବାକୁ ଆମ୍ବୁଲାନ୍ସର ଅସଦ୍ ବ୍ୟବହାର କରନ୍ତୁ ନାହିଁ ବୋଲି ସୁବ୍ରତ ବାଗଚୀ ଅନୁରୋଧ କରିଛନ୍ତି |

ତେବେ ଆମ୍ବୁଲାନ୍ସ ଏକ ବିଶ୍ୱାସ । ଏହି ବିଶ୍ୱାସରେ ଗଡୁଛି ଆମ୍ବୁଲାନ୍ସ । କିଛି ଲୋକ ଓ ଆମ୍ବୁଲାନ୍ସ ଡ୍ରାଇଭର୍ ଟଙ୍କା ଲୋଭରେ ନିଜ ବିବେକ ହରାଉଛନ୍ତି । ସେମିତି କିଛି ବିବେକହୀନ ଆମ୍ବୁଲାନ୍ସ ଡ୍ରାଇଭରଙ୍କ ଏଭଳି ବ୍ୟବହାର ପାଇଁ ସବୁ ଆମ୍ବୁଲାନ୍ସକୁ ରାସ୍ତା ଉପରେ ଯାଞ୍ଚ କରାଯାଉଛି । ଯେଉଁଥି ପାଇଁ ଅନେକ ରୋଗୀ ହଇରାଣରେ ପଡୁଛନ୍ତି ।